Breaking

කෙහෙළිය රඹුක්වැල්ල පක්ෂ මාරුව ගැන ඇත්තම කියයි

වත්මන් රජය මැතිවරණයක් ආසන්න වන විටම තාජුඩීන්ල ලසන්ත වික්‍රමතුංගල මිනී වලවල් වලවල් වලින් ගොඩ ගෙන මැතිවරණ වාසි ලබා ගන්නට කටයුතු කරන බවත් එලසම තමන්ද මැතිවරණයක් ආසන්න වන විට එක්සත් ජාතික පක්ෂයට එකතු වන්නට යන බව කියා අසත්‍ය ප්‍රචාරයන් ගෙන යන බවත් මහනුවර දිස්ත්‍රික් පාර්ලිමේන්තු මන්ත්‍රී කෙහෙළිය රඹුක්වැල්ල මහතා පවසයි.

මන්ත්‍රී වරයා මෙසේ පැවැසුයේ තමන් එක්සත් ජාතික පක්ෂයට යන බවට අසත්‍ය ප්‍රචාරයන් ගෙන යන බැවින් එයට ප්‍රතිචාර දැක්වීම සදහා අද (24) මහනුවරදී පැවැත්වු මාධ්‍ය සාකච්චාවකදීය.


වැඩි දුරටත් අදහස් දැක්වු මන්ත්‍රීවරයා මෙසේද පැවැසිය.

“එළාර අවුරුදු 44 ක් රට පාලනය කලා ඉන් පසු දුටුගැමුණු රජු එළාර පරද්දවල රට එක් සේසත් කලා. එලෙසම එල් ටී ටී ය අවුරුදු 33 ක් ඊලම වෙනුවෙන් සටන් කලා ඒක පැරැද්දුවෙ මහින්ද රාජපක්ෂ ජනපති තුමයි. මහින්ද රාජපක්ෂ දුටුගැමුණු පරම්පරාවෙ කෙනෙක් ලෙස රන් අකුරෙන් ඉතිහාස ගත උනා. දැන් මේ ආන්ඩුවේ හදන්නෙ ඒ රන් අකුරෙන් ඉතිහාස ගතවුනු සිද්දිය ඉතිහාසයෙනුත් මකා දමන්න යැයිද“ කෙහෙළිය රඹුක්වැල්ල මහතා එහිදි සදහන් කලා.

මෙවන් අසත්‍ය ප්‍රචාර කරන්නෙ අපිට ලැබෙන ඡන්ද වලක්වන්න. නුමුත් තමන් කිසිදු විටක එක්සත් ජාතික පක්ෂයට නොයන බවත් වත්මන් රජය ගෙන යන අසත්‍ය ප්‍රචාර තමන් තරයේ ප්‍රතික්ෂේප කරන බවත් මහනුවර දිස්ත්‍රික් පාර්ලිමේන්තු මන්ත්‍රී කෙහෙළිය රඹුක්වැල්ල මහතා එහිදි කීය.

(ලංකාදීප)

No comments:

Powered by Blogger.